ನನಗೆ ಅರಿವಿಲ್ಲದೆ ಇಳಿದು ಬಿಟ್ಟಿದ್ದೆ
ಜಗದೊಳಗಿನ ಗುದ್ದಾಟಕ್ಕೆ
ಅದು ಪೂರ್ವ ಸಿದ್ದತೆಯೂ ಇಲ್ಲದೆ
ಬದುಕಿನ ಸಮರಕ್ಕೆ
ಎದುರಲ್ಲಿ ಯಾರೆಂದು ತಿಳಿಯದೆ ಬಂದೆ
ವೈರಿಗಳ ಎದುರಿಸಲು ಪಣತೊಟ್ಟು ನಿಂತೆ
ರಣರಂಗದ ಉದ್ದಗಲದ ಮಾಹಿತಿಯೇ ಇಲ್ಲ
ಯುದ್ಧಾಸ್ತ್ರಗಳ ಪ್ರಯೋಗದ ಅರಿವು ನನಗಿಲ್ಲ
ಕಲಿಕೆಯೂ ಇಲ್ಲ, ಹೋರಾಟವೂ ಇಲ್ಲ
ಗುದ್ದಾಡಿ ಒದ್ದಾಡಿ ಕೊನೆಗೂ ಗೆದ್ದೆ
ಗೆದ್ದೆ ಎಂದು ಬೀಗುತ್ತಿದ್ದಾಗಲೇ ಎದುರಾಯ್ತು ಮತ್ತೊಂದು ಕಾದಾಟ
ಬದುಕಿನ ಕೊನೆಯವರೆಗೂ ಮುಗಿದಿಲ್ಲ ಹೋರಾಟ