ಸಾಲ್ಟ್ ಎಂಡ್ ಪೆಪರ್ ಎಂಟರ್ ಟೈನ್ಮೆಂಟ್ ಲಾಂಛನದಲ್ಲಿ ನಿರ್ಮಾಣವಾಗಿರುವ ‘ಟೀನೇಜ್’ ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
ಶ್ರೀಕಾಂತ್ ಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರದ ನಾಯಕರಾಗಿ ಕಿಶನ್ ಅಭಿನಯಿಸಿದ್ದಾರೆ. ಅಪೂರ್ವ, ತನ್ವಿ, ಪ್ರಿಯಾ, ಜಯಶ್ರೀ, ರಾಜುತಾಳಿಕೋಟೆ, ಮಾಸ್ಟರ್ ಲಕ್ಷ್ಮಣ್, ಮಾಸ್ಟರ್ ಸಾಯಿಕೃಷ್ಣ ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಮಹೇಶ್.ಕೆ.ದೇವ್ ಛಾಯಾಗ್ರಹಣವಿರುವ ‘ಟೀನೇಜ್‘ಗೆ ಸಿದ್ದಾರ್ಥ್ ವಿಪಿನ್ ಸಂಗೀತ ನೀಡಿದ್ದಾರೆ.
ಕಿಶನ್ ಈ ಚಿತ್ರದ ಸಂಕಲಕಾರರಾಗೂ ಕಾರ್ಯ ನಿರ್ವಹಿಸಿದ್ದಾರೆ. ಮಾಸ್ಮಾದ ಸಾಹಸ ನಿರ್ದೇಶನ ಹಾಗೂ ಮುರಳಿ, ರಾಮು, ಚಂದ್ರಮಯೂರ್, ಶಂಕರ್ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ.