May 21, 2016

ಆಪಲ್ ಸಿಇಒ ಟಿಮ್ ಕುಕ್ -ಪ್ರಧಾನಿ ಮೋದಿ ಭೇಟಿ

ನವದೆಹಲಿ : ಭಾರತ ಪ್ರವಾಸದಲ್ಲಿರುವ ಆಪಲ್ ಸಿಇಒ ಟಿಮ್ ಕುಕ್ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿದ್ದಾರೆ.

ದೆಹಲಿಗೆ ಆಗಮಿಸಿರುವ ಕುಕ್, ರೇಸ್ ಕೋರ್ಸ್​ನ ನಂ.7 ನಿವಾಸದಲ್ಲಿ ಪ್ರಧಾನಿ ಮೋದಿಯವರನ್ನು ಭೇಟಿಯಾದರು. ಈ ವೇಳೆ ಕುಕ್ ಅವರು ಪ್ರಧಾನಿಯವರ ಮೊಬೈಲ್ ಆಪ್​ನ ಅಪ್ ​ಡೇಟೆಡ್ ಆವೃತ್ತಿಯನ್ನು ಬಿಡುಗಡೆ ಮಾಡಿದರು.

‘ಧನ್ಯವಾದಗಳು ಟಿಮ್ ಕುಕ್! ಗೆಳೆಯರೆ, ಸ್ವಯಂ ಸೇವೆಗೆ ಸ್ವಾಗತ. ನಿಮ್ಮ ಅಭಿಪ್ರಾಯಗಳು ಮತ್ತು ಪ್ರಯತ್ನಗಳು ಯಾವಾಗಲೂ ನಮ್ಮನ್ನು ಶ್ರೀಮಂತಗೊಳಿಸುತ್ತವೆ’ ಎಂದು ಮೋದಿ ಕುಕ್ ಭೇಟಿಯ ಬಳಿಕ ಟ್ವೀಟ್ ಮಾಡಿದ್ದಾರೆ.

ಕುಕ್ ಜೊತೆಗಿನ ತಮ್ಮ ಫೊಟೋವನ್ನೂ ಪ್ರಧಾನಿ ಟ್ವಿಟ್ಟರ್ ​ನಲ್ಲಿ ಪೋಸ್ಟ್ ಮಾಡಿದ್ದು, ಪ್ರಧಾನಿ ಟ್ವೀಟ್​ಗೆ ಉತ್ತರಿಸಿರುವ ಕುಕ್ ಅವರು ‘ಮಹಾನ್ ಸಭೆಗಾಗಿ ಧನ್ಯವಾದಗಳು ಪ್ರಧಾನಿ ನರೇಂದ್ರ ಮೋದಿಯವರೇ. ಭಾರತಕ್ಕೆ ಇನ್ನೊಂದು ಭೇಟಿಯನ್ನು ಎದುರು ನೋಡುತ್ತಿದ್ದೇನೆ. ಆಪ್​ನಲ್ಲಿ ಶುಭಾಶಯಗಳು’ ಎಂದು ತಿಳಿಸಿದ್ದಾರೆ.