ಕೌಲಾಲಂಪುರ : ಹಿಂದೂ ಮಹಾಸಾಗರದಲ್ಲಿ ಕಳೆದ ವಾರ ಸಿಕ್ಕಿದ ವಿಮಾನ ಅವಶೇಷ MH370 ವಿಮಾನದ್ದೇ ಎಂದು ಮಲೇಶಿಯಾ ಪ್ರಧಾನಿ ನಜಿಬ್ ರಝಾಕ್ ಹೇಳಿದ್ದಾರೆ. ಇದರಿಂದ ಕಳೆದ ಒಂದು ವರ್ಷದ ಹಿಂದೆ 239 ಜನರನ್ನು ಹೊತ್ತು, ಕಣ್ಮರೆಯಾಗಿದ್ದ MH370 ವಿಮಾನ ರಹಸ್ಯ ಬಹಿರಂಗಗೊಂಡಂತಾಗಿದೆ.
ಭಾರವಾದ ಹೃದಯದಿಂದ ಹೇಳುತ್ತಿದ್ದೇನೆ, 515 ದಿನಗಳ ನಂತರ ರಿಯುನಿಯನ್ ದ್ವೀಪದಲ್ಲಿ ಸಿಕ್ಕ ವಿಮಾನ ಅವಶೇಷ MH370 ವಿಮಾನದ್ದೇ ಎಂದು ಅಂತರ್ ರಾಷ್ಟ್ರೀಯ ಪರಿಣತರ ತಂಡ ಖಚಿತಪಡಿಸಿದೆ, ಎಂದು ಮಲೇಶಿಯಾ ಪ್ರಧಾನಿ ನಜಿಬ್ ರಝಾಕ್ ಹೇಳಿದ್ದಾರೆ.
ಮಾರ್ಚ್ 8 2014 ರಂದು 239 ಜನರನ್ನು ಹೊತ್ತ ಮಲೇಶಿಯಾ ವಿಮಾನ ಕೌಲಾಲಂಪುರನಿಂದ ಬೀಜಿಂಗೆ ಗೆ ತೆರಳುವಾಗ ಕಣ್ಮರೆಯಾಗಿತ್ತು. ಇದರಲ್ಲಿ ಐವರು ಭಾರತೀಯರೂ ಸೇರಿದ್ದರು.