ಸಿಡ್ನಿ : 'ಆಸ್ಟ್ರೇಲಿಯಾ'ದ ಸಿಡ್ನಿಯ ಒಪೆರಾ ಹೌಸ್ ಕಟ್ಟಡದಲ್ಲಿರುವ ಕೆಫೆ ಮೇಲೆ ಉಗ್ರರು ದಾಳಿ ನಡೆಸಿದ್ದು 50 ಕ್ಕೂ ಹೆಚ್ಚು ಮಂದಿಯನ್ನು ಒತ್ತೆಯಾಳಗಿರಿಸಿಕೊಂಡಿದ್ದಾರೆ. ಈ ಪೈಕಿ 5 ನಾಗರಿಕರು ಯಾವುದೇ ಅಪಾಯವಿಲ್ಲದೇ ಉಗ್ರರಿಂದ ತಪ್ಪಿಸಿಕೊಂಡಿದ್ದಾರೆ.
ಡಿ.15ರಂದು ಕೆಫೆ ಮೇಲೆ ದಾಳಿ ಮಾಡಿರುವವರು ಐ.ಎಸ್.ಐ.ಎಸ್ ಸಂಘಟನೆಗೆ ಸೇರಿದ ಶಸ್ತ್ರಸಜಿತ ಉಗ್ರರೆಂದು ತಿಳಿದುಬಂದಿದೆ. ಕೆಫೆಯಲ್ಲಿ ಅರೇಬಿಕ್ ಭಾಷೆಯಲ್ಲಿರುವ ಇಸ್ಲಾಂಮಿಕ್ ಧ್ವಜವನ್ನು ಹಾರಾಡಿಸಲಾಗುತ್ತಿದೆ.
ಕೆಫೆಯಲ್ಲಿ 7 ಸಿಬ್ಬಂದಿ ಸೇರಿ 50 ಮಂದಿ ಇದ್ದಾರೆ ಎಂದು ಕೆಫೆ ಮ್ಯಾನೇಜರ್ ಮಾಹಿತಿ ನೀಡಿದ್ದಾರೆ. 26/11 ಮುಂಬೈ ದಾಳಿ ಮಾದರಿಯಲ್ಲೇ ಈ ದಾಳಿ ಮಾಡಿದ್ದಾರೆ ಎನ್ನಲಾಗುತ್ತಿದೆ.
ಆಸ್ಟ್ರೇಲಿಯಾದಲ್ಲಿ ನಡೆದಿರುವ ಉಗ್ರರ ದಾಳಿಯನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ತೀವ್ರವಾಗಿ ಖಂಡಿಸಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಮೋದಿ, ಕೆಫೆ ಮೇಲೆ ಉಗ್ರರು ದಾಳಿ ನಡೆಸಿರುವುದು ಅಮಾನವೀಯ ಹಾಗೂ ದುರಾದೃಷ್ಟಕರ ಎಂದಿದ್ದಾರೆ.