ನವದೆಹಲಿ : ಚೀನಾ ವಿರೋಧದ ಹೊರತಾಗ್ಯೂ ವಿವಾದಿತ ದಕ್ಷಿಣ ಚೀನಾ ಸಮುದ್ರದಲ್ಲಿ ಎರಡು ತೈಲ ಮತ್ತು ಅನಿಲ ನಿಕ್ಷೇಪಗಳ ಉತ್ಖನನಕ್ಕೆ ಭಾರತ, ವಿಯೆಟ್ನಾಂ ಜತೆ ಒಪ್ಪಂದ ಮಾಡಿಕೊಂಡಿದೆ.
ಪ್ರಧಾನಿ ನರೇಂದ್ರ ಮೋದಿ ಹಾಗೂ ವಿಯೆಟ್ನಾಂ ಪ್ರಧಾನಿ ಗುಯೆನ್ ತಾನ್ ಡಂಗ್ ಅವರ ಸಮ್ಮುಖದಲ್ಲಿ ಈ ಒಪ್ಪಂದ ಪತ್ರಗಳಿಗೆ ಸಹಿ ಹಾಕಲಾಯಿತು.
ರಕ್ಷಣೆ, ವ್ಯಾಪಾರ, ಭದ್ರತೆ ಮತ್ತು ಭಯೋತ್ಪಾದನಾ ನಿಗ್ರಹ ಕುರಿತೂ ಉಭಯ ದೇಶಗಳ ನಡೆವೆ ಕೆಲವು ಒಡಂಬಡಿಕೆ ಮಾಡಿಕೊಳ್ಳಲಾಗಿದೆ.
ವಿಯೆಟ್ನಾಂ ಮತ್ತು ಚೀನಾ ದಕ್ಷಿಣ ಚೀನಾ ಸಮುದ್ರದಲ್ಲಿ ಹಿಡಿತ ಸಾಧಿಸಲು ಅನೇಕ ವರ್ಷಗಳಿಂದ ಸಂಘರ್ಷ ನಡೆಸಿವೆ. ಈ ಸಮುದ್ರ ಹೈಡ್ರೋಕಾರ್ಬನ್ ನಿಂದ ಸಂಪದ್ಭರಿತವಾಗಿದ್ದು, ತಮ್ಮ ತಮ್ಮ ಪಾಬಲ್ಯ ಸ್ಥಾಪಿಸಲು ಉಭಯ ದೇಶಗಳು ಹೋರಾಟ ನಡೆಸಿವೆ.
ಈ ನಡುವೆ ದಕ್ಷಿಣ ಚೀನಾ ಪ್ರದೇಶ ವಿವಾದಿತ ಪ್ರದೇಶವಾಗಿದ್ದು, ಈ ವಿವಾದವನ್ನು ಸಂಬಂಧಿಸಿದ ದೇಶಗಳಷ್ಟೇ ಬಗೆಹರಿಸಿಕೊಳ್ಳಬೇಕು. ಮೂರವನೇಯವರ ಪ್ರವೇಶ ಅನಗತ್ಯ ಎಂದು ಭಾರತಕ್ಕೆ ಚೀನಾ ಪರೋಕ್ಷ ಎಚ್ಚರಿಕೆ ನೀಡಿದೆ.