ಲಾಸ್ವೆಗಾಸ್ : ವಿಶ್ವಾದ್ಯಂತ ಕ್ರೀಡಾ ಪ್ರೇಮಿಗಳಲ್ಲಿ ಸಂಚಲನ ಮೂಡಿಸಿದ್ದ ಶತಮಾನದ ಬಾಕ್ಸಿಂಗ್ ಪ್ರಶಸ್ತಿಯನ್ನು ಅಮೇರಿಕಾದ ಫ್ಲಾಯ್ಡ ಮೇವೆದರ್ ಅವರು ಗೆಲ್ಲುವ ಮೂಲಕ ಬರೋಬ್ಬರಿ 900 ಕೋಟಿ ರೂಪಾಯಿ ಬಹುಮಾನ ತಮ್ಮದಾಗಿಸಿಕೊಂಡಿದ್ದಾರೆ.
ಲಾಸ್ ವೇಗಾಸ್ ನ ಎಂಜಿಎಂ ಕ್ರೀಡಾಂಗಣದಲ್ಲಿ ಭಾನುವಾರ ಬೆಳಗ್ಗೆ ಫಿಲಿಪೈನ್ಸ್ನ ಮ್ಯಾನಿ ಪ್ಯಾಕ್ವಿಯೋ ಮತ್ತು ಮೇವೆದರ್ ನಡುವೆ ರೋಚಕ ಹಣಾಹಣಿ ನಡೆಯಿತು. 12 ಸುತ್ತುಗಳಲ್ಲಿ ನಡೆದ ಪಂದ್ಯದಲ್ಲಿ ಆರಂಭದಿಂದಲೂ ಮೇಲುಗೈ ಸಾಧಿಸಿದ್ದ ಮೇವೆದರ್ 10 ಸುತ್ತುಗಳಲ್ಲಿ ಮುನ್ನಡೆ ಸಾಧಿಸಿ ಪ್ರಶಸ್ತಿ ತಮ್ಮದಾಗಿಸಿಕೊಂಡದರು. ಮೇವೆದರ್ 118-110 ,116-112 ಮತ್ತು 116-112 ಅಂಕಗಳಿಂದ ಮುನ್ನಡೆ ಪಡೆದರು.
ಪ್ರಶಸ್ತಿ ಮೊತ್ತ 900 ಕೋಟಿ ರೂಪಾಯಿ ಮಾತ್ರವಲ್ಲದೆ ಆಯೋಜಕರಿಂದ ಬಂದ ಆದಾಯ ಮೊತ್ತವನ್ನು ಪಡೆಯಲಿರುವ ಮೇವೆದರ್ ಸಾವಿರ ಕೋಟಿಗೂ ಮಿಕ್ಕಿ ಹಣ ತಮ್ಮದಾಗಿಸಿಕೊಂಡಿದ್ದಾರೆ.
ವಿಶ್ವವೆ ಕೂತೂಹಲದಿಂದ ಕಾತರವಾಗಿದ್ದ ಪಂದ್ಯವನ್ನು ಜಯಗಳಿಸುವ ಮೂಲಕ ಬಾಕ್ಸಿಂಗ್ ನಲ್ಲಿ ಅಜೇಯ ಯಾತ್ರೆ ಮುಂದುವರಿಸಿರುವ ಮವೇದರ್ ವೃತ್ತಿ ಜೀವನದಲ್ಲಿ 48 ಪಂದ್ಯಗಳನ್ನು ಗೆದ್ದ ಸಾಧನೆ ಮಾಡಿದರು.
ಪಂದ್ಯವನ್ನು ಸೋತರೂ ಪ್ಯಾಕ್ವಿಯೋ ರನ್ನರ್ ಆಫ್ ಪ್ರಶಸ್ತಿ ಮೊತ್ತ 600 ಕೋಟಿ ಸೇರಿದಂತೆ 700 ಕೋಟಿ ಹಣವನ್ನು ತಮ್ಮದಾಗಿಸಿಕೊಂಡಿದ್ದಾರೆ.