December 20, 2014

ಪೇಶಾವರ ದಾಳಿಯ ಮಾಸ್ಟರ್ ಮೈಂಡ್ ನ್ನು ಹತ್ಯೆ ಮಾಡಿದ ಪಾಕ್ ಸೇನೆ

ಇಸ್ಲಾಮಾಬಾದ್ : ಪಾಕಿಸ್ತಾನದಲ್ಲಿರುವ ಪೇಶಾವರದ ಶಾಲೆ ಮೇಲೆ ನಡೆದಿದ್ದ ಉಗ್ರರ ದಾಳಿಯ ಮಾಸ್ಟರ್ ಮೈಂಡ್ ನ್ನು ಪಾಕ್ ಸೇನೆ ಹತ್ಯೆ ಮಾಡಿದೆ.

ತೆಹ್ರೀಕ್-ಇ-ತಾಲೀಬಾನ್ ಸಂಘಟನೆ ಮುಖಂಡ ಫಜಾಲುಲ್ಲಾ ನನ್ನು ಹತ್ಯೆ ಮಾಡಿರುವುದನ್ನು ಪಾಕ್ ಸೇನೆ ಡಿ.20ರಂದು ಸ್ಪಷ್ಟಪಡಿಸಿದೆ. ತಾಲೀಬಾನ್ ಸಂಘಟನೆ ಉಗ್ರರ ಉಪಟಳ ಹೆಚ್ಚಿರುವುದರಿಂದ ಪಾಕಿಸ್ತಾನ ಹಾಗೂ ಆಫ್ಘಾನಿಸ್ತಾನ ತಾಲೀಬಾನ್ ಉಗ್ರರ ನೆಲೆ ಮೇಲೆ ವಾಯು ದಾಳಿ ನಡೆಸಿತ್ತು. ಈ ದಾಳಿಯಲ್ಲಿ ಈ ವರೆಗೂ 72 ಉಗ್ರರನ್ನು ಹತ್ಯೆ ಮಾಡಲಾಗಿದೆ.

ಪೇಶಾವರದಲ್ಲಿನ ಮಿಲಿಟರಿ ಶಾಲೆ ಮೇಲೆ ತಾಲೀಬಾನ್ ಉಗ್ರರು ದಾಳಿ ನಡೆಸಿದ್ದರು. ಈ ಘಟನೆ ಬಳಿಕ ಭಯೋತ್ಪಾದನೆಯನ್ನು ನಿರ್ನಾಮ ಮಾಡುವುದಾಗಿ ಪಾಕಿಸ್ತಾನ ಹೇಳಿತ್ತು. 130ಕ್ಕೂ ಹೆಚ್ಚು ವಿದ್ಯಾರ್ಥಿಗಳ ಸಾವಿಗೆ ಕಾರಣವಾದ ತೆಹ್ರೀಕ್-ಇ-ತಾಲೀಬಾನ್ ಉಗ್ರ ಸಂಘಟನೆಯ ಭಯೋತ್ಪಾದಕರ ಮೇಲೆ ಪಾಕಿಸ್ತಾನ ಕಾರ್ಯಾಚರಣೆ ನಡೆಸುತ್ತಿದ್ದು ಡಿ.20ರಂದು ಫಜಾಲುಲ್ಲಾ ನನ್ನು ಹತ್ಯೆ ಮಾಡಲಾಗಿದೆ.