ನವದೆಹಲಿ : ರೈಲ್ವೆಯಲ್ಲಿ ತತ್ಕಾಲ್ ಟಿಕೆಟ್ ಬುಕಿಂಗ್ ವ್ಯವಸ್ಥೆಯ ವೇಗ ಈಗ ದ್ವಿಗುಣಗೊಂಡಿದೆ. ಸಾಮಾನ್ಯವಾಗಿ ರೈಲ್ವೆಯಲ್ಲಿ ನಿತ್ಯ 4 ಲಕ್ಷ ತತ್ಕಾಲ್ ಟಿಕೆಟ್ ಕಾದಿರಿಸಲಾಗುತ್ತಿದ್ದು, ವಿಪರೀತ ಬೇಡಿಕೆಯಿಂದಾಗಿ ಕಂಪ್ಯೂಟರ್ ವ್ಯವಸ್ಥೆ ನಿಧಾನಗೊಳ್ಳುತ್ತಿತ್ತು.
ಈ ನಿಟ್ಟಿನಲ್ಲಿ, ಎರಡು ಉನ್ನತ ಸಾಮರ್ಥ್ಯವಿರುವ ಸರ್ವರ್ ಗಳನ್ನು ರೈಲ್ವೆ ತನ್ನ ಕಂಪ್ಯೂಟರ್ ವ್ಯವಸ್ಥೆಗೆ ಅಳವಡಿಸಿಕೊಂಡಿದೆ. ಇದರಿಂದಾಗಿ ತತ್ಕಾಲ್ ಟಿಕೆಟ್ ಬುಕಿಂಗ್ ಸಾಮರ್ಥ್ಯ ನಿಮಿಷಕ್ಕೆ 7200 ಟಿಕೆಟ್ ಗಳಿಂದ 14000 ಟಿಕೆಟ್ಗಳಿಗೆ ಹೆಚ್ಚಳವಾಗಿದೆ ಎಂದು ಐ.ಆರ್.ಸಿ.ಟಿ.ಸಿ ಸಿಎಂಡಿ ಡಾ|ಎ.ಕೆ.ಮನೋಚಾ ತಿಳಿಸಿದ್ದಾರೆ.