ಮೊದಲು ಓಟ್ಸ್ ಮತ್ತು ಹೆಸರುಬೇಳೆಯನ್ನು ಸ್ವಲ್ಪ ಹುರಿದು, ಹೆಸರುಬೇಳೆಯನ್ನು ಮಾತ್ರ ನೀರಿನಲ್ಲಿ ನೆನೆಹಾಕಿ.
ಕರಿಮೆಣಸು, ಜೀರಿಗೆಯನ್ನು ತುಪ್ಪದಲ್ಲಿ ಹುರಿದು ಪುಡಿಮಾಡಿ, ನಂತರ ಹೆಸರುಬೇಳೆಯನ್ನು ಬೇಯಿಸಿಟ್ಟುಕೊಳ್ಳಿ.
ಕಾದ ಬಾಣೆಲೆಗೆ ಸ್ವಲ್ಪ ತುಪ್ಪ ಹಾಕಿ ಸಾಸಿವೆ, ಇಂಗು, ತುರಿದ ಶುಂಠಿ,ಕತ್ತರಿಸಿದ ಹಸಿಮೆಣಸಿನಕಾಯಿ, ಪಾಲಕ್ ಸೊಪ್ಪು, ಕರಿಬೇವು,ಕರಿಮೆಣಸು, ಜೀರಿಗೆ ಪುಡಿ ಹಾಕಿ ಹುರಿಯಿರಿ. ಬಳಿಕ ಸ್ವಲ್ಪ ನೀರು ಸೇರಿಸಿ ಕುದಿಸಿ.
ಅದಕ್ಕೆ ಓಟ್ಸ್ ನ್ನು ಹಾಕಿ ಬೇಯಿಸಿ. ನಂತರ ಅರಿಷಿಣಪುಡಿ, ಬೇಯಿಸಿದ ಹೆಸರುಬೇಳೆಯನ್ನು ಹಾಕಿ ಮಿಶ್ರಣಮಾಡಿ ಬೇಯಿಸಿ.
ಈಗ ತುಪ್ಪ, ಕೊಬ್ಬರಿ ತುರಿ,ಹುರಿದ ಗೋಡಂಬಿ ಸೇರಿಸಿ,ಉಪ್ಪನ್ನು ಹಾಕಿ ಚೆನ್ನಾಗಿ ತಿರುಗಿಸಿದರೆ ಓಟ್ಸ್ ಪೊಂಗಲ್ ಸವಿಯಲು ಸಿದ್ಧ.