ಶ್ರೀನಗರ : ಹೆಂಗಸರ ತಲೆಕೂದಲು ಕತ್ತರಿಸಿದ್ದಾನೆ ಎಂಬ ಅನುಮಾನದ ಮೇರೆಗೆ ಶಂಕಿತ ಆರೋಪಿಯೋರ್ವನನ್ನು ಕಲ್ಲಿನಿಂದ ಹೊಂಡೆದು ಹತ್ಯೆಗೈದ ಘಟನೆ ಜಮ್ಮು-ಕಾಶ್ಮೀರದಲ್ಲಿ ನಡೆದಿದೆ.
ಕಾಶ್ಮೀರದ ಅನಂತನಾಗ್ ಜಿಲ್ಲೆಯ ದಂತಕ್ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಅನುಮಾನಾಸ್ಪದವಾಗಿ ತಿರುಗಾಡುತ್ತಿದ್ದ ಆರೋಪದ ಮೇರೆಗೆ ಇದೇ ವ್ಯಕ್ತಿ ಹೆಂಗಸ ತಲೆಕೂಡಲನ್ನು ಕತ್ತರಿಸಿದ್ದಾನೆ ಎಂದು 70 ವರ್ಷದ ಅಬ್ದುಲ್ ಸಲಂ ವಾನಿ ಎಂಬುವವರನ್ನು ಹಿಡಿದು ಕಟ್ಟಿಹಾಕಿ ಬಳಿಕ ಕಲ್ಲಿನಿಂದ ಹೊಡೆದು ಸಾಯಿಸಲಾಗಿದೆ.
ಸಮೀಪದ ಮಸೀದಿಯಲ್ಲಿ ರಾತ್ರಿ 8 ಗಂಟೆಯ ನಮಾಜ್ ಮುಗಿಸಿಕೊಂಡು ವೃದ್ಧ ವನಿ ಮನೆಗೆ ವಾಪಸ್ ಬರುತ್ತಿದ್ದ. ಈ ವೇಳೆ ಅನುಮಾನಗೊಂಡ ಸ್ಥಳೀಯರು ಆತನನ್ನು ಹಿಡಿದು ಕೊಂದು ಹಾಕಿದ್ದಾರೆ ಎಂದು ತಿಳಿದುಬಂದಿದೆ.