ಜಮ್ಮು : ಭಾರತೀಯ ಸೇನೆ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿರುವ ಏಳು ಉಗ್ರರ ಶಿಬಿರಗಳ ಮೇಲೆ ಅತ್ಯಂತ ರಹಸ್ಯವಾಗಿ 'ಸರ್ಜಿಕಲ್ ಸ್ಟ್ರೈಕ್' ನಡೆಸಿ 38 ಉಗ್ರರನ್ನು ಹತ್ಯೆ ಮಾಡಿದರು ತನ್ನ ಖಯಾಲಿ ಬಿಡದ ಪಾಕಿಸ್ತಾನ ಇಂದು ಜಮ್ಮು-ಕಾಶ್ಮೀರದ ಬಳಿ ಮತ್ತೆ ಕದನ ವಿರಾ ಉಲ್ಲಂಘನೆ ಮಾಡಿದೆ.
ಜಮ್ಮುವಿನ ಅಂಖೂರ್ ಸೆಕ್ಟರ್ ನ ಪಲ್ಲಾನ್ವಾಲಾ, ಛಾಪ್ರಿಯಲ್ ಮತ್ತು ಸಮ್ನಮ್ನ ಗಡಿ ನಿಯಂತ್ರಣ ರೇಖೆಯಲ್ಲಿ ಮಧ್ಯರಾತ್ರಿ 1 ಗಂಟೆಗಳ ಕಾಲ ಸಣ್ಣ ಶಸ್ತ್ರಾಸ್ತ್ರಗಳನ್ನು ಬಳಸಿ ದಾಳಿ ನಡೆಸಲಾಗಿದೆ. ಭಾರತೀಯ ಸೇನೆಯೂ ಪ್ರತ್ಯುತ್ತರ ನೀಡಿದ್ದು, ದಾಳಿಯಿಂದಾಗಿ ಯಾವುದೇ ಪ್ರಾಣ ,ಆಸ್ತಿ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ.
ಸಪ್ಟೆಂಬರ್ ತಿಂಗಳಿನಲ್ಲಿ ಪಾಕ್ ನಡೆಸಿದ 5 ನೇ ಗುಂಡಿನ ದಾಳಿ ಇದಾಗಿದ್ದು, ಕಳೆದ 36 ಗಂಟೆಗಳ ಒಳಗೆ ನಡೆದ 3 ನೇ ದಾಳಿ ಯಾಗಿದೆ.