September 27, 2015

ಫೇಸ್ ಬುಕ್, ಟ್ವಿಟ್ಟರ್ ಮತ್ತು ಇನ್ ಸ್ಟಾಗ್ರಾಂ ನಮ್ಮ ಹೊಸ ನೆರೆಹೊರೆಯವರುಃ ಪ್ರಧಾನಿ ನರೇಂದ್ರ ಮೋದಿ

ಕ್ಯಾಲಿಫೋರ್ನಿಯಾ : ಯುಎಸ್ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಡಿಜಿಟಲ್ ಇಂಡಿಯಾ ಯೋಜನೆಯ ಅಂಗವಾಗಿ, ತಂತ್ರಜ್ಞಾನ ಕ್ಷೇತ್ರದಲ್ಲಿ ಜಗದ್ವಿಖ್ಯಾತಿ ಗಳಿಸಿರುವ ಸಿಲಿಕಾನ್‌ ವ್ಯಾಲಿಯಲ್ಲಿ ಐಟಿ ದಿಗ್ಗಜ ಕಂಪೆನಿಗಳ ಸಿಇಓಗಳನ್ನು ಭೇಟಿ ಮಾಡಿದರು.

ಈ ಸಂದರ್ಭದಲ್ಲಿ ಉದ್ಯಮ ದಿಗ್ಗಜರನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ಅವರ ಭಾಷಣದ ಪ್ರಮುಖಾಂಶಗಳುಃ

* ಕ್ಯಾಲಿಫೋರ್ನಿಯಾದಲ್ಲಿರುವುದು ಅತ್ಯಂತ ಆನಂದವಾಗಿದೆ. ಇದು ಪ್ರಪಂಚದಲ್ಲಿ ಸೂರ್ಯಾಸ್ತ ಕೊನೆಯಲ್ಲಿ ನೋಡುವ ಸ್ಥಳಗಳಲ್ಲಿ ಒಂದು. ಆದರೆ ಹೊಸ ಕಲ್ಪನೆಗಳು ಇಲ್ಲಿ ದಿನದ ಮೊದಲ ಕಿರಣಗಳನ್ನು ನೋಡುತ್ತವೆ.

* ನಾನು ನಿಮ್ಮಲ್ಲಿ ಬಹಳಷ್ಟು ಜನರನ್ನು ದೆಹಲಿ, ನ್ಯೂಯಾರ್ಕ್, ಫೇಸ್ ಬುಕ್, ಟ್ವಿಟ್ಟರ್ ಮತ್ತು ಇನ್ ಸ್ಟಾಗ್ರಾಂ ಗಳಲ್ಲಿ ಭೇಟಿ ಮಾಡಿದ್ದೇನೆ. ಇವು ಹೊಸ ಜಗತ್ತಿನ ಹೊಸ ನೆರೆಹೊರೆಯವರು.

* ಫೇಸ್ ಬುಕ್ ಒಂದು ದೇಶವಾಗಿದ್ದರೆ, ಇದು ಮೂರನೇ ಅತಿ ಹೆಚ್ಚು ಜನಸಂಖ್ಯೆಯ ಮತ್ತು ಅತ್ಯಂತ ಸಂಪರ್ಕ ಹೊಂದಿದ ದೇಶವಾಗಿರುತ್ತಿತ್ತು.

* ಗೂಗಲ್ ಇಂದು ಶಿಕ್ಷಕರ ಆವಿಷ್ಕಾರದ ಸ್ಪೂರ್ತಿಯನ್ನು ಕಡಿಮೆ ಮಾಡಿದೆ ಮತ್ತು ಅಜ್ಜ ಅಜ್ಜಿಯರು ಸುಮ್ಮನೆ ಕೂರುವಂತೆ ಮಾಡಿದೆ. ಟ್ವಿಟರ್ ಎಲ್ಲರನ್ನೂ ವರದಿಗಾರರನ್ನಾಗಿ ಮಾಡಿದೆ.

* ನಿಮ್ಮ ಈಗಿನ ಸ್ಥಿತಿಗೆ ಇಂದು ನೀವು ಮಲಗಿದ್ದೀರೋ ಅಥವಾ ಎಚ್ಚರವಾಗಿದ್ದೀರೋ ಎನ್ನುವುದಲ್ಲ, ನೀವು ಆನ್ ಲೈನ್ ನಲ್ಲಿ ಇದ್ದೀರೋ ಅಥವಾ ಆಫ್ ಲೈನ್ ಎನ್ನುವುದು ಮುಖ್ಯ. ನಮ್ಮ ಯುವಕರ ಮೂಲಭೂತ ಚರ್ಚೆ ಆಂಡ್ರಾಯ್ಡ್ , ಐಒಎಸ್ ಅಥವಾ ವಿಂಡೋಸ್ ನಡುವಿನ ಆಯ್ಕೆಯಾಗಿದೆ.

* ಕಂಪ್ಯೂಟರ್ ನಿಂದ ಸಂವಹನದವರೆಗೆ, ಮನರಂಜನೆಯಿಂದ ಶಿಕ್ಷಣದವರೆಗೆ, ದಾಖಲೆಗಳ ಮುದ್ರಣದಿಂದ ಉತ್ಪನ್ನಗಳ ಮುದ್ರಣದವರೆಗೆ ಅತ್ಯಲ್ಪವಧಿಯ ಧೀರ್ಘ ಪ್ರಯಾಣವಾಗಿದೆ.

* ನಾವು ಸಾರ್ವರ್ಜನಿಕ ವೈಫೈ ಹಾಟ್ ಸ್ಪಾಟ್ ಗಳನ್ನು ವಿಸ್ತರಿಸುತ್ತಿದ್ದೇವೆ. ಉದಾಹರಣೆಗೆ, ವೈಫೈ ವಿಮಾನ ನಿಲ್ದಾಣಗಳಲ್ಲಿ ಅಲ್ಲದೇ ರೈಲ್ವೆ ನಿಲ್ದಾಣಗಳಲ್ಲೂ ಸಿಗುವಂತಾಗಬೇಕು. ಗೂಗಲ್ ಜೊತೆ ಸೇರಿ ಇನ್ನು ಕೆಲವೇ ಸಮಯದಲ್ಲಿ ೫೦೦ ರೈಲ್ವೆ ನಿಲ್ದಾನಗಳಲ್ಲಿ ವೈಫೈ ವ್ಯವಸ್ಥೆಯನ್ನು ಜಾರಿಗೊಳಿಸುತ್ತೇವೆ.

* ನೀವು ಸಾಮಾಜಿಕ ತಾಣಗಳ ಅಥವಾ ಸೇವೆಗಳ ಘಾತೀಯ ವೇಗ ಮತ್ತು ವಿಸ್ತರಣೆಯ ಪ್ರಮಾಣವನ್ನು ಯೋಚಿಸಿದರೆ, ಭರವಸೆಯ ಅಂಚಿನಲ್ಲಿರುವ ಜನರ ಜೀವನವನ್ನು ಆಷ್ಟೇ ವೇಗವಾಗಿ ಮಾರ್ಪಾಡು ಮಾಡಬಹುದು ಎನ್ನುವುದನ್ನೂ ನಂಬಬೇಕು. ಸ್ನೇಹಿತರೇ, ಇದರಿಂದಲೇ ಡಿಜಿಟಲ್ ಇಂಡಿಯಾ ಹುಟ್ಟಿದ್ದು.

* ನಾವು ನಮ್ಮ ನಾಗರಿಕರನ್ನು ಪೇಪರ್ ದಾಖಲೆಗಳಿಂದ ಮುಕ್ತವಾಗಿಸಿ, ಪೇಪರ್ ರಹಿತ ವ್ಯವಹಾರ ಮಾಡಬಯಸುತ್ತೇವೆ. ನಾವು ಎಲ್ಲಾ ನಾಗರಿಕರಿಗೂ ತಮ್ಮ ವೈಯಕ್ತಿಕ ದಾಖಲೆಗಳನ್ನು ಇಡಲು ಡಿಜಿಟಲ್ ಲೋಕರ್ ನ ವ್ಯವಸ್ಥೆ ಮಾಡುತ್ತೇವೆ.