ಚೆನ್ನೈ : ಇಸ್ರೋ ನಿರ್ಮಿತ ಭಾರತದ 25 ನೇ ಸಂಹವನ ಉಪಗ್ರಹ ಜಿಸ್ಯಾಟ್-6 ಉಡಾವಣೆಗೆ ಕ್ಷಣಗಣನೆ ಪ್ರಾರಂಭವಾಗಿದೆ. ಈ ಉಪಗ್ರಹದ ಉಡಾವಣೆ ಗುರುವಾರ ಸಂಜೆ 4.52ಕ್ಕೆ ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ನಡೆಯಲಿದೆ ಎಂದು ಇಸ್ರೋ ತಿಳಿಸಿದೆ.
ಸ್ವದೇಶಿ ನಿರ್ಮಿತ ಈ ಉಪಗ್ರಹ 2,117 ಕೆಜಿ ತೂಕವಿದೆ. ಇದು 6 ಮೀಟರ್ ವ್ಯಾಸದ ಆ್ಯಂಟೆನಾವನ್ನು ಹೊಂದಿದೆ. ಸಣ್ಣ ಸಾಧನಗಳ ಮೂಲಕ ನೇರವಾಗಿ ಉಪಗ್ರಹದ ಮೂಲಕ ಸಂಪರ್ಕ ಸಾಧಿಸಲು ಈ ಆ್ಯಂಟೆನಾ ಸಹಾಯ ಮಾಡುತ್ತದೆ.