July 24, 2015

ನಾಸಾದಿಂದ ಭೂಮಿಯನ್ನು ಹೋಲುವ ಗ್ರಹ ಪತ್ತೆ

ನ್ಯೂಯಾರ್ಕ್ : ಬಾಹ್ಯಾಕಾಶ ವಿಜ್ಞಾನ ಕ್ಷೇತ್ರದಲ್ಲಿ ನಾಸಾ ಮತ್ತೊಂದು ಮಹತ್ವದ ಮೈಲಿಗಲ್ಲು ಸ್ಥಾಪಿಸಿದೆ. ಭೂಮಿಯನ್ನೇ ಹೋಲುವ ಗ್ರಹವೊಂದನ್ನು ನಾಸಾದ ದೂರದರ್ಶಕ ಕೆಪ್ಲರ್ ಪತ್ತೆ ಹಚ್ಚಿದ್ದು, ಭೂಮಿಗಿಂತಲೂ ಹಿರಿಯ ಹಾಗೂ ದೊಡ್ಡದಾದ ಗ್ರಹ ಇದೆಂದು ನಾಸಾ ಗುರುವಾರ ತಿಳಿಸಿದೆ.

ಈ ನೋತನ ಗ್ರಹಕ್ಕೆ ನಾಸಾ ಕೆಪ್ಲರ್ 452ಬಿ ಎಂದು ಹೆಸರಿಸಿದೆ. ಇದು ಗಾತ್ರದಲ್ಲಿ ಭೂಮಿಗಿಂತ ೬೦% ದೊಡ್ಡದಾಗಿದೆ. ಈ ಗ್ರಹದಲ್ಲಿ ನೀರಿರುವ ಸಾಧ್ಯತೆ ಇದೆ ಮತ್ತು ಇದರ ಗುರುತ್ವಾಕರ್ಷಣೆ ಭೂಮಿಗಿಂತ ಎರಡು ಪಟ್ಟು ಹೆಚ್ಚಾಗಿರಬಹುದು ಎಂದು ನಾಸಾ ತಿಳಿಸಿದೆ.

ಭೂಮಿಯ ಹಲವು ಗುಣಲಕ್ಷಣಗಳನ್ನು ಹೊಂದಿರುವ ಕೆಪ್ಲರ್ 452ಬಿ, ತನ್ನ ನಕ್ಷತ್ರದ ಕಕ್ಷೆಯನ್ನು ಸುತ್ತಲು 385 ದಿನಗಳನ್ನು ತೆಗೆದುಕೊಳ್ಳುತ್ತದೆ. ಇದು ಭೂಮಿಗಿಂತಲೂ ಹಿರಿಯ ಗ್ರಹವಾಗಿದ್ದು, 6 ಶತಕೋಟಿ ವರ್ಷಗಳ ಹಿಂದೆಯೇ ಹುಟ್ಟಿದೆ.

ಜೀವಿಗಳ ವಾಸಕ್ಕೆ ಅಗತ್ಯವಿರುವ ಎಲ್ಲಾ ವಾತಾವರಣ ಇಲ್ಲಿ ಇದೆ ಎಂದು ನಾಸಾ ಕೆಪ್ಲರ್ ನೌಕೆಯ ವಿಶ್ಲೇಷಕ ಜಾನ್ ಜೆಂಕಿನ್ಸ್ ತಿಳಿಸಿದ್ದಾರೆ.

ವಾಸಯೋಗ್ಯ ಗ್ರಹಗಳ ಪತ್ತೆಗಾಗಿ 2009 ರಲ್ಲಿ ಕೆಪ್ಲರ್ ಮಿಷನ್ ಪ್ರಾರಂಭಿಸಲಾಗಿತ್ತು. ಇದುವರೆಗೆ ಕೆಪ್ಲರ್ ಸುಮಾರು 1000 ಕ್ಷುದ್ರ ಗ್ರಹಗಳನ್ನು ಪತ್ತೆ ಹಚ್ಚಿದೆ.