ನವದೆಹಲಿ : ಕೇಂದ್ರ ಎನ್.ಡಿ.ಎ ಸರ್ಕಾರ ಅಧಿಕಾರಕ್ಕೆ ಬಂದು ಒಂದು ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಸುದ್ದಿಸಂಸ್ಥೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಪ್ರಧಾನಿ ನರೇಂದ್ರ ಮೋದಿ ತಮ್ಮ ಸರ್ಕಾರದ ಪ್ರಮುಖ 13 ಸಾಧನೆಗಳನ್ನು ಪಟ್ಟಿ ಮಾಡಿದ್ದಾರೆ.
ಇದರಲ್ಲಿ ಅವರು ತಮ್ಮ ಮಹತ್ವಾಕಾಂಕ್ಷಿ ಯೋಜನೆಗಳಾದ ಮೇಕ್ ಇನ್ ಇಂಡಿಯಾ, ಸ್ವತ್ಛ ಭಾರತ ಅಭಿಯಾನ, ಜನಧನ ಯೋಜನೆಗಳಿಗೆ ಸ್ಥಾನ ನೀಡಿದ್ದಾರೆ. ಮೋದಿ ನೀಡಿರುವ ಸರ್ಕಾರದ ಸಾಧನೆಗಳ ಪಟ್ಟಿ ಹೀಗಿದೆ.
1 ಎಲ್ಲ ಶಾಲೆಗಳಲ್ಲಿ ಶೌಚಾಲಯ ನಿರ್ಮಾಣ
2 ಜನಧನ ಯೋಜನೆಯಡಿ 14 ಕೋಟಿ ಬ್ಯಾಂಕ್ ಖಾತೆ
3 ಎಲ್ ಪಿಜಿ ಸಬ್ಸಿಡಿ ದುರ್ಬಳಕೆಗೆ ತಡೆ, ಅರ್ಹ ಬಡವರಿಗೆ ಸಬ್ಸಿಡಿ
4 ಸಣ್ಣ ಉದ್ಯಮಿಗಳಿಗೆ ಸಾಲ ನೀಡಲು ಮುದ್ರಾ ಬ್ಯಾಂಕ್
5 ಪ್ರಧಾನ ಮಂತ್ರಿ ಕೃಷಿ ಸಂಚಯಿನಿ ಯೋಜನೆ
6 2022ರ ಒಳಗೆ ಎಲ್ಲರಿಗೂ ಸೂರು ಕಲ್ಪಿಸುವ ಯೋಜನೆ
7 ಕೃಷಿಕರಿಗಾಗಿ ಮಣ್ಣಿನ ಆರೋಗ್ಯ ಕಾರ್ಡ್
8 ವೃದ್ಧರು, ಹಿಂದುಳಿದವರು ಮತ್ತು ಕಮ್ಮಿ ಆದಾಯದವರಿಗೆ ಸಾಮಾಜಿಕ ಭದ್ರತಾ ಯೋಜನೆಗಳು
9 ಸ್ವತ್ಛ ಭಾರತ ಅಭಿಯಾನ
10 ರೈಲ್ವೆಯಲ್ಲಿ ಜನಸಾಮಾನ್ಯರಿಗಾಗಿ ಸುಧಾರಣಾ ಕ್ರಮಗಳು
11 ಮೇಕ್ ಇನ್ ಇಂಡಿಯಾ ಯೋಜನೆ
12 ಕೇಂದ್ರಾಡಳಿತ ಪ್ರದೇಶಗಳ ಪೊಲೀಸ್ ಪಡೆಗಳಲ್ಲಿ ಮಹಿಳೆಯರಿಗೆ ಮೀಸಲು
13 ಕಲ್ಲಿದ್ದಲು ನಿಕ್ಷೇಪ ಹರಾಜಿನಿಂದ 3 ಲಕ್ಷ ಕೋಟಿ ಸಂಗ್ರಹ, ಅದರಲ್ಲಿ ರಾಜ್ಯಗಳಿಗೂ ಪಾಲು