Untitled Document
Sign Up | Login    
Dynamic website and Portals
  
February 13, 2015

ಭಾರತದ ವಿರುದ್ಧ ಕಾರ್ಯಾಚರಣೆ ನಡೆಸಲು ಐ.ಎಸ್.ಐ ತಾಲೀಬಾನನ್ನು ಹುಟ್ಟುಹಾಕಿತ್ತು: ಮುಷರಫ್

ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್‌ ಮುಷರಫ್‌ ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್‌ ಮುಷರಫ್‌

ಇಸ್ಲಾಮಾಬಾದ್ : 'ತಾಲೀಬಾನ್' ಉಗ್ರ ಸಂಘಟನೆಯನ್ನು ಹುಟ್ಟುಹಾಕಿ ಬೆಳೆಸಿದ್ದೇ ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐ.ಎಸ್.ಐ ಎಂದು ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್‌ ಮುಷರಫ್‌ ಹೇಳಿದ್ದಾರೆ.

ಪಾಕಿಸ್ತಾನದ ಡಾನ್ ಪತ್ರಿಕೆ ಪ್ರಕಟಿಸಿರುವ ವರದಿಯ ಪ್ರಕಾರ, 2001ರಲ್ಲಿ ಐ.ಎಸ್.ಐ ಮೂಲಕವೇ ತಾಲೀಬಾನ್ ಹುಟ್ಟಿಕೊಂಡಿದೆ ಎಂದು ಹೇಳಲಾಗಿದೆ. ಅಪ್ಘಾನಿಸ್ತಾನದ ಈ ಹಿಂದಿನ ಅಧ್ಯಕ್ಷರಾಗಿದ್ದ ಹಮೀದ್ ಕರ್ಜಾಯ್ ಅವಧಿಯಲ್ಲಿ ಅಪ್ಘಾನಿಸ್ತಾನದ ಅನೇಕ ಅಧಿಕಾರಿಗಳು ಭಾರತದ ಪರ ಇದ್ದರು, ಈ ಹಿನ್ನೆಲೆಯಲ್ಲಿ ಭಾರತದ ವಿರುದ್ಧ ಕಾರ್ಯಾಚರಣೆ ನಡೆಸಲು ತಾಲೀಬಾನ್ ನ್ನು ಸೃಷ್ಟಿಸಲಾಯಿತು ಎಂದು ಹೇಳಿದ್ದಾರೆ.

ಪಾಕಿಸ್ತಾನದ ವಿರುದ್ಧ ಸಂಚು ರೂಪಿಸುತ್ತಿದ್ದ ಭಾರತದ ತಂತ್ರಕ್ಕೆ ಪ್ರತಿತಂತ್ರ ರೂಪಿಸಲು ಒಂದು ಸಂಘಟನೆಯ ಅಗತ್ಯವಿತ್ತು. ಆದ್ದರಿಂದ ಪಾಕಿಸ್ತಾನದ ಗುಪ್ತಚರ ಇಲಾಖೆಯೇ ಆಸಕ್ತಿ ವಹಿಸಿ ತಾಲೀಬಾನ್ ನ್ನು ರೂಪಿಸಿದರು. ಐ.ಎಸ್.ಐ ಪ್ರಮುಖರು ಹಾಗೂ ತಾಲೀಬಾನ್ ಸಂಘಟನೆ ಪ್ರಮುಖರು ಸಂಪರ್ಕದಲ್ಲಿದ್ದದ್ದು ನಿಜ, ಇರಬೇಕು ಕೂಡ ಎಂದು ಪರ್ವೇಜ್ ಮುಷರಫ್ ಅಭಿಪ್ರಾಯಪಟ್ಟಿದ್ದಾರೆ.

ಇದೇ ವೇಳೆ ಭಾರತದ ವಿರುದ್ಧ ವಾಗ್ದಾಳಿ ನಡೆಸಿರುವ ಮುಷರಫ್, ಭಾರತವನ್ನು ಅತಿ ದೊಡ್ಡ ಪ್ರಜಾಪ್ರಭುತ್ವ ಹೊಂದಿದ ದೇಶ, ಮಾನವ ಹಕ್ಕುಗಳನ್ನು ಹಾಗೂ ಪ್ರಜಾಪ್ರಭುತ್ವದ ಸಂಸ್ಕೃತಿಯ ಪ್ರವರ್ತಕ ಎಂದೆಲ್ಲಾ ಬಣ್ಣಿಸಲಾಗುತ್ತದೆ. ಆದರೆ ಇವೆಲ್ಲವೂ ಸುಳ್ಳು, ಭಾರತದಲ್ಲಿ ಮಾನವ ಹಕ್ಕುಗಳೇ ಇಲ್ಲ. ಭಾರತದಲ್ಲಿ ಅಸ್ಪೃಷ್ಯ ವ್ಯಕ್ತಿಯೊಬ್ಬನ ನೆರಳು ಪಂಡಿತರ ಮೇಲೆ ಬಿದ್ದರೂ ಆತನನ್ನು ಕೊಲ್ಲಲಾಗುತ್ತದೆ. ಅಲ್ಲಿನ ಧರ್ಮವೇ ಮಾನವ ಹಕ್ಕುಗಳ ವಿರೋಧಿ ಧರ್ಮ ಎಂದು ಮುಷರಫ್ ಟೀಕಿಸಿದ್ದಾರೆ.

ಸ್ವಾತಂತ್ರ್ಯ ಬಂದಾಗಿನಿಂದಲೂ ಸಹ ಭಾರತರಾ ಹಾಗೂ ಪಾಕಿಸ್ತಾನಐ.ಎಸ್.ಐ ಪರಸ್ಪರ ಹೊಡೆದಾಡುತ್ತಿದ್ದಾರೆ. ಇದು ನಿಲ್ಲಬೇಕು ಎಂದು ಮುಷರಫ್ ಹೇಳಿದ್ದಾರೆ.

 

 

Share this page : 
 

Readers' Comments (0)
Select Language : 
Press F12 to toggle Indian language and English
Your Name : 
Characters Remaining: 5000
 
 
The Ultimate Job Portal
Netzume - Resume Website Gou Products

Other News

Home | Opinion | Sports | Business | Education | Health | Life & Style| Entertainment | Science &Technology | Art & Culture | Terms of Use |
© bangalorewaves. All rights reserved. Developed And Managed by Rishi Systems P. Limited