ಟ್ರಿಪೋಲಿ : ಲಿಬಿಯಾದ ಕೋರಿಂತಿಯಾ ಹೋಟೆಲ್ ಗೆ ನುಗ್ಗಿದ ಐವರು ಸಶಸ್ತ್ರ ಬಂಧೂಕುದಾರಿಗಳು ನಡೆಸಿದ ಗುಂಡಿನ ದಾಳಿಗೆ ಐವರು ವಿದೇಶಿಯರು, ಮೂವರು ಕಾವಲು ಪಡೆಯವರು ಹಾಗೂ ಒಬ್ಬ ಒತ್ತೆಯಾಳು ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.
ಈ ದಾಳಿಯ ವೇಳೆಯಲ್ಲಿ ಲಿಬಿಯಾದ ಸ್ವಘೋಷಿತ ಸರ್ಕಾರದ ಮುಖಂಡ ಒಮರ್ ಅಲ್ ಹಸ್ಸಿ ಅವರು ಕೂಡ ಹೋಟೆಲ್ ನಲ್ಲಿ ತಂಗಿದ್ದರು ಎಂದು ತಿಳಿದು ಬಂದಿದೆ. ಆದರೆ ಭದ್ರತಾ ಪಡೆಗಳು ಅವರನ್ನು ಸುರಕ್ಷಿತವಾಗಿ ಹೊರಕ್ಕೆ ಕೊಂಡೊಯ್ದಿದ್ದಾರೆ ಎನ್ನಲಾಗಿದೆ.
ಮಂಗಳವಾರ ತಡ ರಾತ್ರಿ ನಡೆದ ಈ ದಾಳಿಯಲ್ಲಿ, ಭದ್ರತಾ ಪಡೆ ಹೋಟೆಲ್ ಅನ್ನು ಸುತ್ತುವರೆದ ಮೇಲೆ ದಾಳಿಕೋರರಲ್ಲಿ ಮೂವರು ಸ್ಫೋಟಿಸಿಕೊಂಡಿದ್ದಾರೆ. ಈ ದಾಳಿಗೆ ಇಸ್ಲಾಮಿಕ್ ಸ್ಟೇಟ್ ಹೊಣೆ ಹೊತ್ತಿದೆ.