ನವದೆಹಲಿ : ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ದಟ್ಟನೆಯ ಮಂಜು ಮುಸುಕಿದ್ದ ಕಾರಣ 36ಕ್ಕೂ ಹೆಚ್ಚು ವಿಮಾನಗಳ ಹಾರಾಟ ವಿಳಂಬಗೊಂಡಿವೆ. ಅನೇಕ ರೈಲುಗಳೂ ಸಹ ತಡವಾಗಿ ಸಂಚರಿಸುತ್ತಿವೆ.
ಡಿ.22ರಂದು ದೆಹಲಿಯಲ್ಲಿ ಕನಿಷ್ಠ ಉಷ್ಣಾಂಶ 4.2 ಡಿಗ್ರಿ ಸೆ. ದಾಖಲಾಗಿದೆ. ಇದು ದೆಹಲಿಯಲ್ಲಿ ಕಳೆದ ಐದು ವರ್ಷಗಳಲ್ಲೇ ಅತ್ಯಂತ ಕನಿಷ್ಠ ಉಷ್ಣಾಂಶ ದಾಖಲಾಗಿರುವ ದಿನವಾಗಿದೆ.
ಟಿವಿ ಮಾಧ್ಯಮಗಳ ವರದಿಗಳ ಪ್ರಕಾರ ಕನಿಷ್ಠ 50 ರೈಲುಗಳ ತಡವಾಗಿ ಹೊರಟಿವೆ. ಇದರಲ್ಲಿ ಈಶಾನ್ಯ ಎಕ್ಸ್ ಪ್ರೆಸ್ ಮತ್ತು ಮಹಾಬೋಧಿ ಎಕ್ಸ್ ಪ್ರೆಸ್ ಕೂಡ ಸೇರಿವೆ.
ಹವಾಮಾನ ಇಲಾಖೆಯ ಅಂದಾಜಿನ ಪ್ರಕಾರ ದಿಲ್ಲಿ ಗರಿಷ್ಠ 16 ಡಿಗ್ರಿ ಸೆ. ಮತ್ತು ಕನಿಷ್ಣ 5 ಡಿಗ್ರಿ ಸೆ. ಉಷ್ಣಾಂಶ ಇರುವುದೆಂದು ಹೇಳಲಾಗಿದೆ. ಕಚೇರಿ, ಬ್ಯಾಂಕ್ ಮತ್ತಿತರ ಕಾರ್ಯಾಲಯಗಳಿಗೆ ಹೋಗುವವರಿಗೆ ದಿಲ್ಲಿಯಲ್ಲಿ ಮುಸುಕಿರುವ ಮಂಜು ಭಾರೀ ತೊಂದರೆ, ಅಡಚಣೆಗೆ ಕಾರಣವಾಗಿತ್ತು.